Os fundadores da Sociedade Económica de Santiago: don Antonio Páramo Somoza y Sangro, don Pedro Antonio Sánchez Vaamonde, don Luís Marcelino Pereira, don Benito Gil Lemus e don Antonio Gil Lemus; presentaron ao Consello de Castela, o 13 de  decembro de 1783, unha petición, co obxecto de que se lles concedese  licenza para establecer en Santiago unha Sociedade Patriótica de Amigos do País, baixo o título de Sociedade Económica do Reino de Galicia, e que se aprobasen os Estatutos que elaboraran  para o seu réxime e goberno. O 24 de decembro de 1783, asinábase o oficio no que se atendía á petición do establecemento en Santiago de Compostela  dunha Sociedade Económica de Amigos do País, co obxecto de fomentar as  Artes e Industrias. Sesión Inaugural, foi o 15  de febreiro de 1784, ás tres da tarde e o discurso inaugural pronunciouno Don Antonio Páramo Somoza y Sangro.