Mañá, martes 18 de abril, ás 19,30h, na sede da Real Sociedad Económica de Amigos del País de la Ciudad de Santiago, terá lugar a conferencia sobre fiscalidade municipal de María Dolores Rivera Frade, presidenta da Sala do Contencioso Administrativo do Tribunal Superior de Xustiza de Galicia, á que acompañarán os directivos da RSEAPS Juan Bautista de la Salle Barreiro e Luis García Varela, que será o encargado de presentar á maxistrada. A intervención de Rivera Frade está incluída no ciclo “Compostela 2023-2027. Presente y Futuro”. A RSEAPS lembra que todas as conferencias e mesas de debate deste ciclo son de entrada libre ata completar aforo.
