Mañá, mércores 12 de maio, ás 19,30h, na Real Sociedad Económica de Amigos del País de la Ciudad de Santiago (RSEAPS), Erea Castro Alfonso, conservadora numismática do Museo de Pontevedra, pronunciará a conferencia “A conmemoración da RSEAPS a través da medallística na súa colección”.
A charla está incluída na programación de 2026 do ciclo “A RSEAPS e os seus fondos artísticos”, organizada pola Real Sociedad en colaboración co Grupo de Investigación IACOBUS, da Facultade de Xeografía e Historia da Universidade de Santiago de Compostela.
A encargada de presentar a Castro Alfonso será Ana Pérez Varela, profesora titular doutora de Historia da Arte da USC e coordinadora este ano deste ciclo de conferencias, nunha mesa que encabezará o presidente da Real Sociedad compostelá, Francisco Loimil Garrido.
O acceso para o público é libre e gratuíto ata completar o aforo da sala e os asistentes poderán formular cuestións á ponente ao remate da súa intervención. Ademais, a conferencia será emitida en directo pola canle de you tube da Real Sociedad: RSEAPS-Amigos del País https://www.youtube.com/@rseamigosdelpaissantiago a través da ligazón: https://youtube.com/live/sCB5xLS0dko?feature=share
