Jorge Mira Pérez, catedrático de Electromagnetismo da Facultade de Física da USC, e María Rosaura Leis Trabazo, catedrática de Pediatría da Facultade de Medicina da USC, analizarán mañá, xoves 20 de marzo, ás 19,30h, na sede da Real Sociedad Económica de Amigos del País de la Ciudad de Santiago (RSEAPS), a conveniencia de manter ou non o actual cambio horario estacional no noso país.
Na conferencia, incluída no programa de 2025 do ciclo “Compostela 2023-2027. Presente e futuro”, organizado pola RSEAPS, a encargada de presentar aos dous profesores será María Dolores Álvarez Pérez, directiva da Real Sociedad, e conducirá o acto o presidente da RSEAPS, Francisco Loimil Garrido. O acceso para o público é libre e gratuíto ata completar o aforo da sala, o debate estará aberto na súa parte final ás preguntas dos asistentes, e será retransmitido en directo pola canle de You Tube da RSEAPS: RSEAPS-Amigos del País https://www.youtube.com/@rseamigosdelpaissantiago a través da ligazón: https://youtube.com/live/M3XK-ZrdqB0?feature=share
