Mañá, mércores 7 de xuño de 2023, ás 19,30h, na sede da Real Sociedad Económica de Amigos del País de la Ciudad de Santiago, na praza Salvador de Parga, terá lugar a cuarta das conferencias do ciclo organizado por esta institución, en colaboración co Grupo de Investigación Iacobus da Facultade de Xeografía e Historia da Universidade de Santiago, para amosar o notable patrimonio artístico que atesoura a RSEAPS.
Juan Manuel Monterroso Montero, catedrático de Historia da Arte da USC, disertará sobre o óleo do século XVII “Parnaso”. Monterroso será presentado por Carme López Calderón, profesora axudante doutora de Historia da Arte da Universidade compostelá. Todas as conferencias do ciclo sobre o patrimonio artístico da RSEAPS son de acceso libre ata completar aforo.
