Nova mesa de debate da programación 2025 do ciclo “Compostela 2023-2027. Presente e futuro”, organizado pola Real Sociedad Económica de Amigos del País de la Ciudad de Santiago. Mañá, mércores 24 de setembro, ás 19,30h, o catedrático e a profesora de Economía Aplicada da USC Santiago Lago Peñas e María Cadaval Sampedro disertarán na sede da RSEAPS baixo o título “Financiamento autonómico. Tempo de espera ante unha reforma necesaria”.
O encargado de presentalos será o presidente da Real Sociedad Económica, Francisco Loimil Garrido, nun foro que estará aberto ás preguntas do público asistente -cuxo acceso é libre e gratuíto-, ata completar o aforo da sala. Ademais, será retransmitido en directo a través da canle de You Tube da Real Sociedad:
RSEAPS-Amigos del País https://www.youtube.com/@rseamigosdelpaissantiago
a través da ligazón: https://youtube.com/live/q4M786xFZek?feature=share
