Mañá, mércores, 10 de maio de 2023, ás 19,00h, na nosa sede, na praza Salvador de Parga, número 4, terá lugar a terceira das conferencias do ciclo organizado por esta institución, coa colaboración do grupo de investigación Iacobus, da Facultade de Xeografía e Historia da USC, para dar a coñecer o patrimonio e fondos artísticos da RSEAPS.
Desta volta, Francisco Durán, profesor titular de Xeografía da USC, disertará sobre un retrato de Domingo Fontán, ilustrado matemático, político e xeógrafo galego, natural de Portas, nomeadamente recoñecido por ser o autor do primeiro mapa topográfico e científico de Galicia. A encargada da presentación do profesor Durán será a profesora titular de Historia da Arte da USC Begoña Fernández Rodríguez. Todas as charlas deste ciclo da RSEAPS son de balde e abertas ao público, ata completar o aforo.
