Quinta mesa de debate en 2024 do ciclo “Compostela 2023-2027. Presente e futuro”, organizado pola Real Sociedad Económica de Amigos del País de la Ciudad de Santiago. Nesta ocasión, mañá, martes 28 de maio, ás 19,30h, na sede da RSEAPS, o actual reitor da Universidade de Santiago, Antonio López, e os exreitores desa mesma institución académica Darío Villanueva e Juan Viaño reflexionarán sobre cal é o presente e cal debe ser o futuro da USC.
O encargado de conducir o debate entre o reitor e os dous exreitores será Emilio Pérez Nieto, presidente do Consello Social da USC entre 1987 e 1997, nun acto que encabezará o presidente da Real Sociedad, Francisco Loimil Garrido. O acceso para o público
é libre e de balde ata completar aforo e a mesa de debate será retransmitida a través da canle de You Tube da RSEAPS: RSEAPS-Amigos del País https://www.youtube.com/@rseamigosdelpaissantiago
mediante a ligazón: https://www.youtube.com/live/V1Bp2wzyFU0?si=20RIFlE_Dt8jdlAK
