Premio Domingo Fontán
Historia do Premio
En novembro do ano 2007, asinouse un convenio de colaboración entre a Universidade de Santiago de Compostela (USC) e a Real Sociedade Económica de Amigos do País da Cidade de Santiago ( RSEAPS), a fin de regular a colaboración entre ámbalas dúas institucións e co obxecto de fomentar o intercambio de experiencias nos campos da docencia, a investigación e a cultura en xeral, dentro daquelas áreas nas que as dúas institucións teñan interese manifesto.
Unha das iniciativas que se plasmou neste convenio foi o establecemento dun premio bianual de investigación histórica para traballos académicos de investigación baseados na documentación da RSEAPS. As bases deste premio realizaríanse no desenvolvemento do convenio de colaboración, garantíndose a publicación da obra premiada e cuantificándose en dous mil euros (2.000,00 €) o premio para a obra gañadora.
A RSEAPS e a USC, decidiron que este premio de investigación histórica leve o nome de Domingo Fontán, pola gran importancia desta personalidade na historia da Sociedade Económica da que foi director (1860-18610) e polo seu amor ás ciencias e Galicia, a súa terra natal.
Domingo Fontán
Nacemento:: Domingo Fontán e Rodríguez naceu en Portas, provincia de Pontevedra, no lugar de Portadeconde, no ano 1788.
Formación:: A súa formación académica foi moi completa: Filosofía, Teoloxía, Ciencias Exactas e Naturais, Arte, Leis e Canons; estudou tamén francés e inglés, nomeado catedrático de ambos na Escola Militar en Santiago.
Despois de desempeñar varias cátedras na Universidade de Santiago, a cuxo claustro pertencía desde 1811, obtivo por oposición a de Matemáticas Elementais, que ocupou ata 1819, pasando logo á de Matemáticas Sublimes.
En 1834 foi nomeado catedrático de Xeometría, Mecánica e Delineación. O seguinte ano nomeóuselle Director do Observatorio Astronómico de Madrid, traballando tamén en Topografía, Cosmografía, Xeodesia e Astronomía.
Obra:: A súa obra magna foi a realización da Carta Xeométrica de Galicia, traballo que comezou en 1817 e rematou en 1834.
Morte:: Faleceu en 1866 en Cuntís. Está enterrado en Santiago no Panteón dous Galegos Ilustres.
Neste ano 2021, a Xunta de Galicia, púsolle o seu nome ao último edificio rematado na Cidade da Cultura en Santiago de Compostela.
Convocatorias do premio Domingo Fontán
colaborador no premio, comprometéndose á publicación do traballo gañador.
O xurado deste premio, que se reúne no mes de decembro do segundo ano da convocatoria para emitir o seu veredicto, está formado polas seguintes personalidades:
- Vicerreitor de Comunicación, Cultura e Servizos da USC.
- Decano da Facultade de Xeografía e Historia da USC.
- Director do Departamento de Historia Económica da USC.
- Responsable de publicacións do Consorcio de Santiago.
- Presidente da RSEAPS.
- Secretario da RSEAPS.
