Marcos Gerardo Calles Lombao, director do Museo Diocesano Catedralicio de Lugo, disertará mañá, mércores 12 de novembro, ás 19,30h, na Real Sociedad Económica de Amigos del País de la Ciudad de Santiago (RSEAPS), sobre a figura do polímata de Muros (A Coruña) Joaquín Antonio Díaz de Rábago, a partir dun cadro que lle retrata, obra de José María Fenollera e que forma parte do patrimonio pictórico da Real Sociedad.
Trátase da mesa de debate titulada “Joaquín Díaz de Rábago, o sociólogo e economista que escribiu sobre o mar e a terra”, incluída na programación para 2025 do ciclo “A RSEAPS e os seus fondos artísticos”, que esta institución organiza en colaboración co Grupo de Investigación IACOBUS da Facultade de Xeografía e Historia da USC.
A mesa de debate, na que Ramón Yzquierdo Peiró, director do Museo da Catedral de Santiago, presentará a Calles Lombao, será presidida por Santiago Bermejo Díaz de Rábago, directivo da Real Sociedad Económica compostelá e bisneto de Joaquín Díaz de Rábago.
O acceso ao acto é libre e gratuíto para o público ata completar o aforo da sala. Ademais, a mesa de debate será retransmitida en directo a través da canle de You Tube da Real Sociedad: RSEAPS-Amigos del País https://www.youtube.com/@rseamigosdelpaissantiago mediante a ligazón:
