A profesora titular de Historia da Arte da USC Begoña Fernández Rodríguez disertará mañá, mércores 13 de novembro, na Real Sociedad Económica, sobre o cadro “La clase de pintura”, obra de Elvira Santiso que forma parte do patrimonio da RSEAPS e que recentemente estivo exposto no Museo do Prado de Madrid, dentro da mostra temporal “Arte y transformaciones sociales en España (1885-1910)”.
A conferencia, baixo o título “A crase de pintura, de Elvira Santiso, testemuña da pegada formativa deixada pola RSEAPS”, está incluída no programa de 2024 do ciclo “A Real Sociedad Económica de Amigos del País de la Ciudad de Santiago e os seus fondos artísticos”, organizado por esa institución en colaboración co Grupo de Investigación Iacobus da Facultade de Xeografía e Historia da USC.
A profesora Fernández Rodríguez será presentada por Israel Sanmartín Barros, profesor contratado doutor de Historia Medieval da USC, nunha mesa que encabezará o presidente da Real Sociedad Económica, Francisco Loimil Garrido.
A RSEAPS lembra que tódalas conferencias deste ciclo son de acceso libre e de balde para o público, ata completar aforo. A conferencia de Fernández Rodríguez será emitida en directo, ademais, pola canle de You Tube RSEAPS-Amigos del País (https://www.youtube.com/@rseamigosdelpaissantiago), a través da seguinte ligazón: https://youtube.com/live/nJp73oaWu7c?feature=share
