Última conferencia de 2023 do ciclo “A Real Sociedad Económica de Amigos del País de la Ciudad de Santiago e os seus fondos artísticos”, organizado en colaboración co Grupo de Investigación Iacobus da Facultade de Xeografía e Historia da USC e co que a RSEAPS está achegando aos composteláns o notable patrimonio que atesoura. Desta volta, mañá, 13 de decembro de 2023, ás 19,30h, na sede da Real Sociedad, o catedrático emérito de Historia da Arte da USC e vicepresidente da RSEAPS José Manuel García Iglesias disertará sobre un retrato de Juan Sanmartín, obra de 1886 do pintor José Alarcón, dedicada ao “escultor máis grande do seu tempo en Galicia”. A conferencia de García Iglesias será presentada polo presidente da Real Sociedad, Francisco Loimil Garrido, e a encargada de introducir ao conferenciante será María Dolores Fraga Sampedro, profesora titular de Historia da Arte da Universidade de Santiago de Compostela.
A RSEAPS lembra que tódalas conferencias deste ciclo son de acceso de balde para o público, ata completar aforo. A conferencia de García Iglesias será emitida ademais pola canle de You Tube RSEAPS-Amigos del País, a través da seguinte ligazón:
