Mañá, mércores 20 de marzo, ás 19,30h, a sede da Real Sociedad Económica de Amigos del País de la Ciudad de Santiago (RSEAPS), na praza Salvador de Parga, acollerá a terceira das mesas de debate neste 2024 do ciclo “Compostela 2023-2027. Presente e futuro”, organizado pola RSEAPS.
Nesta ocasión, o protagonista será Miguel Anxo Bastos Boubeta, profesor titular de Ciencia Política e da Administración da USC, que encabezará a mesa titulada “Máis intervencionismo municipal ou máis sociedade civil”. O encargado de presentar ao profesor Bastos Boubeta será Jorge Lorenzo Souto, tesoureiro da RSEAPS, nun acto que conducirá o presidente da Real Sociedad, Francisco Loimil Garrido.
As mesas de debate que precederon á de mañá, mércores 20, xiraron en torno á ordenación territorial en Santiago, Galicia e España, encabezada polo catedrático de Dereito Constitucional Roberto Blanco Valdés, e á a medicina do futuro, polo catedrático de Medicina Legal e director ejecutivo da Fundación Pública de Medicina Xenómica.
A RSEAPS lembra que tódalas mesas de debate deste ciclo son de acceso libre e de balde para o público, ata completar o aforo da sala. Ademais, a Real Sociedad emitirá en directo o evento na canle de You Tube: RSEAPS-Amigos del País https://www.youtube.com/@rseamigosdelpaissantiago
a través da ligazón: https://youtube.com/live/fucKGeTDIDo?feature=share
